ޒިކުރާ އިންޓަނޭޝަނަލް ކޮލެޖުން މިއަހަރުގެ ސެޕްޓެމްބަރު މަހު ފެށުމަށް ކަނޑައަޅާފައުވާ ކޯސްތަކުގައި ބައިވެރިވުމުގެ ފުރުސަތު ހުޅުވާލައިފިއެވެ.

ޒިކުރާ އިންޓަރނޭޝަނަލް ކޮލެޖުގައި މިފަހަރު ހުޅުވާލާފައިވާ ދާއިރާތަކުގެ ތެރޭގައި އިންފޮމޭޝަން ޓެކްނޮލޮޖީ، އެޑިޔުކޭޝަން، ބިޒްނަސް މެނޭޖުމެންޓް، ހިއުމަން ރިސޯރސް މެނޭޖުމެންޓް، އޮފީސް މެނޭޖްމަންޓް، ޓޫރިޒަމް އެންޑް ހޮސްޕިޓަލިޓީ، ޓީޗިންގް، އެކައުންޓިންގ އެނޑް ފައިނޭންސް، ބޭންކިންގ، އަރަބި ބަސް،  ޝަރީޢާ އިން ލޯ، ނަރސިންގް، ފާމަސީ އަދި ކައުންސެލިންގް ހިމެނެއެވެ.

ޒިކުރާ އިންޓަރނޭޝަނަލް ކޮލެޖުން ބުނީ، މިދާއިރާތަކުން އެކިއެކި ސެޓްފިކެޓް ލެވެލްތަކާއި، ފައުންޑޭޝަން ކޯސްތަކާއި، ޑިޕްލޮމާ، އެޑްވާންސްޑް ޑިޕްލޮމާ، ފުރަތަމަ ޑިގްރީ، ޕޯސްޓްގްރެޖުއޭޓާއި މާސްޓަރސް ފެންވަރުގެ 56 ކޯސް ހިމެނޭ ކަމަށެވެ. މިކޯސްތަކުގައި ބައިވެރިވާން ބޭނުންވާ ފަރާތްތަކުން ހުށަހަޅުއްވާ އެޕްލިކޭޝަންތައް މިމަހުގެ 21 ވާ ބުދަ ދުވަހުގެ ނިޔަލަށް ބަލައިގަންނާނެއެވެ.

ކޯސްތަކާ ބެހޭ އިތުރު މަޢުލޫމާތު ޒިކުރާ އިންޓަނޭޝަނަލް ކޮލެޖުގެ ވެބްސައިޓުންނާއި އިޖުތިމާޢީ މީޑިއާ ވަސީލަތްތަކުން ލިބިވަޑައިގަންނަވާނެއެވެ. އަދި ކޮލެޖުގެ ހޮޓްލައިން ނަމްބަރ  7902562 ގުޅައި މައުލޫމާތު ހޯދޭނެއެވެ.