ޒިކުރާ އިންޓަނޭޝަނަލް ކޮލެޖުން ސެޕްޓެމްބަރު އިންޓޭކުގައި ފަށާ ކޯސްތަކަށް ކުރިމަތިލުމުގެ މުއްދަތު ސެޕްޓެމްބަރު މަހުގެ ހަތަރުވަނަ ދުވަހަށް އިތުރުކޮށްފިއެވެ. މި އިންޓޭކްގެ ކޯސްތަކަށް ކުރިމަތިލުމުގެ މުއްދަތު އިތުރުކުރީ އަދިވެސް ގިނަ އަދަދެއްގެ ކުދިން ކޯސްތަކަށް ކުރިމަތިލުމަށް އެދެމުން ދާތީއާއި މެއި/ޖޫންގައި ޖީސީއީ އޯލެވެލް ނިންމި ދަރިވަރުންގެ ތެރެއިންވެސް މި އިންޓޭކުގެ ކޯސްތަކުގައި ބައިވެރިވާން ބޭނުންވާ ކުދިންނަށް ފުރުސަތު ފަހިކޮށް ދިނުމަށެވެ.

ޒިކުރާ އިންޓަރނޭޝަނަލް ކޮލެޖުން ސެޕްޓެމްބަރު އިންޓޭކަށް ހުޅުވާލާފައިވާ ދާއިރާތަކުގެ ތެރޭގައި އިންފޮމޭޝަން ޓެކްނޮލޮޖީ، އެޑިޔުކޭޝަން، ބިޒްނަސް މެނޭޖުމެންޓް، ހިއުމަން ރިސޯރސް މެނޭޖުމެންޓް، އޮފީސް މެނޭޖްމަންޓް، ޓޫރިޒަމް އެންޑް ހޮސްޕިޓަލިޓީ، ޓީޗިންގް، އެކައުންޓިންގ އެނޑް ފައިނޭންސް، ބޭންކިންގ، އަރަބި ބަސް،  ޝަރީޢާ އިން ލޯ، ނަރސިންގް، ފާމަސީ އަދި ކައުންސެލިންގް ހިމެނެއެވެ.

ޒިކުރާ އިންޓަރނޭޝަނަލް ކޮލެޖުން ބުނީ، މިދާއިރާތަކުން އެކިއެކި ސެޓްފިކެޓް ލެވެލްތަކާއި، ފައުންޑޭޝަން ކޯސްތަކާއި، ޑިޕްލޮމާ، އެޑްވާންސްޑް ޑިޕްލޮމާ، ފުރަތަމަ ޑިގްރީ، ޕޯސްޓްގްރެޖުއޭޓާއި މާސްޓަރސް ފެންވަރުގެ 56 ކޯސް ހިމެނޭ ކަމަށެވެ.

ކޯސްތަކާ ބެހޭ އިތުރު މަޢުލޫމާތު ޒިކުރާ އިންޓަނޭޝަނަލް ކޮލެޖުގެ ވެބްސައިޓުންނާއި އިޖުތިމާޢީ މީޑިއާ ވަސީލަތްތަކުން ލިބިވަޑައިގަންނަވާނެއެވެ. އަދި ކޮލެޖުގެ ހޮޓްލައިން ނަމްބަރ  7902562 ގުޅައި މައުލޫމާތު ހޯދޭނެއެވެ.