ކޯހުގެ މަޤްސަދު: މާސްޓަރ އޮފް ޤިރާއަތު އެންޑް ޤުރްއާނިކް ސައިންސަސް ޕްރޮގްރާމަކީ ކިރިތި ޤުރްއާން ކިޔެވުމަށާއި، އެ ފޮތާގުޅޭ ޢިލްމުތައް އުނގެނުމަށް ޝައުޤުވެރިވާ ދަރިވަރުންނަށް، އެ ޢިލްމުތަކުން މަތީ ތަޢުލީމެއް ފޯރުކޮށްދިނުމަށް ފަރުމާކުރެވިފައިވާ ޕްރޮގްރާމެކެވެ. އަދި މި ޕްރޮގްރާމަކީ އިސްލާމް މުދައްރިސްކަމުގެ ދާއިރާއިންނާއި، ޤުރްއާން މުދައްރިސްކަމުގެ ދާއިރާއިންނާއި، އިމާމްކަމުގެ ދާއިރާގައި އުޅުއްވާ ފަރާތްތަކަށް، އެ ފަރާތްތަކަށް ލިބިފައިވާ ޢިލްމާއި ހުނަރުތައް އިތުރަށް ކުރިއެރުވުމަށް މުހިއްމު ޕްރޮގްރާމެކެވެ. މި ޕްރޮގްރާމް ފަރުމާކުރެވިފައިވަނީ މޯލްޑިވްސް ކޮލިފިކޭޝަން އޮތޯރިޓީން ކަނޑައަޅާފައިވާ ޤުރްއާނާބެހޭ ކޯސްތައް ފޭސް ޓް ފޭސްކޮށް، އަދި އީ-ލާނިންގ މޮޑަލިޓީގައި ހިންގުމަށް ކަނޑައަޅާފައިވާ ޤަވާޢިދާ އެއްގޮތަށެވެ. ލެކްޗަރގެ އުޞޫލުންނާއި ޓިއުޓޯރިއަލް މަސައްކަތްތަކާއި، އުނގަންނައިދިނުމުގެ ޒަމާނީ ތަފާތު އެކި ވަސީލަތްތައް ބޭނުންކޮށްގެން ޕްރޮގްރާމްގެ ޢިލްމާއި ތަމްރީނު އެންމެ ފުރިހަމައަށް ދަރިވަރުންނަށް ފޯރުކޮށްދެވުނުތޯ ކަށަވަރުކުރެވޭނެއެވެ.